المقارنات
Result: 172.70.174.152
سلة المشتريات

لا توجد منتجات في سلة المشتريات.

 
مراجعة لابتوب HP ZBook 15 G3

مراجعة لابتوب HP ZBook 15 G3

مراجعة لابتوب HP ZBook 15 G3

مراجعة لابتوب HP ZBook 15 G3, لو كنت طالب في هندسة او بتتعلم جيرافيك بجميع انواعه واقسامه او حابب تتعلم فطبيعي لازم يكون معاك جهاز قوي بكارت شاشة يكون مخصص للشغل ده علشان يديلك أفضل أداء و انسيابية وسرعة في أنجاز الشغل وكمان لو عاوز لاب يستحمل معاك ساعات العمل الطويلة والشاقة من غير ما يشتكي أو انك تقلق عليه فأحنا بنرشحلك لابتوب HP ZBook 15 G3 من الشركة الغنية عن التعريف وإلي كتير مننا بيطمن بمجرد ما بيسمع أسم الماركة دى لانها علامة وماركة مشهورة من زمان وبتعني الجودة في التصنيع والمميزات الجبارة الي تخليها تقدر تتحكم في كل أسواق اللابتوب في العالم.

اللاب ده مليان مميزات كتير جدا جداااً وهنحاول اننا نذكرها كلها بدون ما ننسي أي شئ علشان لو كنت بتفكر تشتريه تقدر تقرر بكل أريحية وبدون أي خوف أو قلق من بعد ما تقرأ المقالة دي كمالة بأذن الله و نبدأ ناخد مواصفات اللاب بالترتيب.

المظهر والمتانة

اللاب بيجي باللون الاسود الجذاب و كمان اللاب تقدر تقول انه مش slim او ولا هو ضخم هو حجمه مناسب جداً وطبعاً علشان المكوانات الي جواه الي هي اساس قوته واللابتوب من فئة الـ mobile workstation يعنى بالعربي كده جهاز الشغل التقييل جداً و في مميزات كتير بتميز لابات الوورك ستيشن بسبب تصميمها المتميز الي بيكون ضد الصدمات وكمان نظام التبريد فيه بيكون كويس جداً علشان يضمنلك أن البروسيسور ميسخنش منك بسرعة وأنت شغال بيه أو ان الحرارة تسببلك أي مشكلة في الجهاز والمميز في اللاب ان مخارج التهوية بتاعته من ورا مش من الجنب زي معظم اللابات وبكده هتكون الحرارة بعيدة عن اي شئ موصله أو اي حاجة حاططها علي المكتب جنبك وكمان اللاب بيجي بمروحتين يعني تبريد مضاعف و أمان أكتر هتلاقي مروحة خاصة بالـ GPU او كارت الشاشة و المروحة التانية علي الـ CPU البروسيسور او المعالج وكمان بيجي بسماعتين علشان تديلك تجربة صوت كويسة ومُرضية جداً ليك.

مراجعة لابتوب HP ZBook 15 G3

مراجعة لابتوب HP ZBook 15 G3-00

مميزات ZBook 15 G3

اللاب تقريباً بيجي بكل المداخل الي محتاجها وكمان في مدخلين USB Type-C ومش بس هتستخدمه في النقل بالفلاشة لا تقدر كمان تشحن منه وغير ان ليه استخدامات تانية كتير تقدر تبحث عنها و من المميزات ان ضهر اللاب من تحت فيه جلد قوي واخد شكل اللاب علشان يحميه من الاتربة والخدوش وعلشان يخلي اللاب مرفوع لفوق شوية علشان المروحة تقدر تشتغل بشكل أفضل و كمان قفل الشاشة لما بتقفل اللاب بيكون في زي مغناطيس كده بيقفل بأمان بدل من الجرار الي في الموديلات القديمة.

اللاب بيجي بكيبورد كاملة علشان لو شغلك بالارقام فده هيسهل عليك ومن المميزات الجميلة فيه انه فيه LED يعنى تقدر تنور الكيبورد في اي وقت لو شغال بالليل وتقدر توصل للحروف بسرعة وكمان التاتش باد سلس جدا وهتحس ان الماوس مش بيجري من ايدك بالعكس هتلاقي في تحكم افضل فيه وغير ان في اختصارات كتير تقدر تستخدمها وتخصصها زي الموبايل كأستخدام صباعين او تلاته لعمل وظيفة معينة وكمان بيجي ببصمة أمان علشان تقدر تحمي كل ملفاتك الشخصية بسهولة .

المواصفات

اللاب بيجي ببروسيسور i7 من الجيل السادس فئة الـ HQ ونركز جداً علي انه من الفئة دي ومعناها سرعة أكبر في اداء المهام لان معظم اللابات بتكون من فئة الـ U و دي معناها ان البروسيسور بيديلك نص الاداء علشان يحافظ علي الطاقة وتقدر تشوف المقالة دي لو حابب تعرف عن الحروف اكتر وهتستفيد منها كتير الحروف والارقام في معالجات Intel.

وبالنسبة لكارت الشاشة فبيجي بكارتين الاول هو Intel HD 530 وده الكارت الاساسي الطبيعي و الكارت التانى هو nvidia quadro m1000m 2gb وطبعاً الكارت ده مخصص للبرامج الهندسية وللمصداقية هو مش للالعاب علشان تفكر كويس قبل ما تشتري اللاب وانه لاب شغل بس ده ميمنعش ان هيشغلك العاب بس خفيفة طبعاً و من مميزات الكارت ده هيساعدك في عمليات الرندرة بسرعة اكبر وانجاز شغلك  في وقت قياسي جداً.

والرمات 16 جيجا من فئة DDR4 ودي تعتبر الاسرع حالياً في العالم يعنى انسي ان اللاب يهنج منك وانت شغال وبتوصل لحد 64 جيجا لو كنت حابب انك تزود وبالنسبة للمساحة فدي من الحاجات المميزة جداً فيه لانه بيجي بهاردين الاول 256 ssd m.2 ومن المعروف ان الـ m.2 هو اسرع هارد في العالم وده طبعاً هيكون للويندوز علشان هيساعدك في سرعة تحميل البرامج و الحفظ و كل شئ تقريباً و الهارد تانى مساحته 1 تيرا دي تقدر تخصصها لكل الداتا الشخصية بتاعتك زي ما تحت و هتكون مناسبة جداً ليك يعنى مش هتحتاج انك تشتري هارد خارجي.

المواصفات بالتفصيل

المعالج: Intel Core i7 (6th Gen) 6700HQ / 2.6 GHz (سرعة تصل الي 3.5 جيجا هيرتز ، ذاكرة مؤقتة 6 ميجا بايت ، ثنائى النواة)‏
كرت الشاشه: Intel HD 530 + Nvidia M1000M 2Gb ddr5
الرامات: 16 جيجا بايت DDR4
السعة: 256GB M2 + Hdd 1 tera
يدعم:
– Hdd 2 5 sata

– Ssd 2 5 sata

– Ssd M2 2280

– Ssd M2 nvme

الشاشة / العرض

  • الحجم: 15.6 بوصة
  • الدقة: 1080 × 1920
  • شاشة تعمل باللمس: لا
  • أقصى سطوع: 270 شمعة / م 2
  • زاوية الرؤية (أفقي × رأسي): 85 × 85 درجة

موصلات الإدخال / الإخراج

مراجعة لابتوب HP ZBook 15 G3-5      مراجعة لابتوب HP ZBook 15 G3-5

المداخل :

  •  2x Thunderbolt 3 via USB Type-C/  3x USB 3.1 Gen 1 Type-A

العرض :

  •  1x HDMI 1.4 / 1x VGA

الصوت:

  • 2x Integrated Speaker / 2 x Integrated Microphone / 1 x  3.5 mm Headphone,Microphone Combo Jack

فتحات التوسعة:

  • 1x Smart Card

فتحات بطاقة الوسائط:

  • SD/SDHC/SDXC

مجال الاتصالات:

  • Network 1 x 10/100/1000 Mb/s Gigabit Ethernet (RJ45)
  • Wi-Fi Wi-Fi 5 (802.11ac); Dual-Band (2.4 & 5 GHz)
  • Bluetooth Bluetooth 4.2
  • Webcam User-Facing: 720p

البطارية:

  • كيمياء البطارية ليثيوم أيون بوليمر (LiPo)
  • واط ساعة / النوع 90 واط قابل للإزالة
  • الخلايا 9
  • أقصى وقت تشغيل 15.75 ساعة
  • متطلبات الطاقة 100-240 فولت تيار متردد ، 47-63 هرتز
  • مزود الطاقة 150 وات

مواصفات عامة:

  • نظام التشغيل Windows 10 Pro (64 بت)
  • كلمة مرور أمان التشغيل ، فتحة قفل Kensington ، تقبل أجهزة قفل أمان الطرف الثالث ، حزمة برامج Infineon TPM الاحترافية ، قارئ بصمات الأصابع
  • لوحة مفاتيح كاملة الحجم 100 مفتاح (إضاءة خلفية ، لوحة مفاتيح رقمية)
  • جهاز التأشير لوحة اللمس
  • الأبعاد (عرض × ارتفاع × عمق) 15.2 × 1.0 × 10.4 بوصة / 386.1 × 25.4 × 264.2 ملم
  • الوزن 5.8 رطل / 2.6 كجم (يختلف الوزن حسب التكوين والمكونات)

وبكده نكون خلصنا مراجعتنا فلو كان شغلك في الجيرافيك و البرامج الهندسية فاللاب ده هيكون مناسب جداً ليك وهيأدي معاك الغرض ومش هيخذلك ابداً.

اللاب تقدر تشوفه علي متجرنا وتطلبه بكل سهولة من هنا HP ZBook 15 G3 وهيوصلك شحن في اقرب وقت او تقدر تشرفنا في مقر الشركة او تتابعنا علي الفيس لتفاصيل أكتر.

أرجو أن نكون قد وفقنا بهذا العمل و اتمنى ان تكونوا قد استفدتم منه.

مع تحيات فريق عمل تريند بى سى | Trend PC

يمكنك التعرف ايضاً علي ما هي خاصية Ray Tracing في كروت الشاشة؟

تابعونا علي فيس بوك Trend PC

التصنيفات:
شارك الخبر: