المقارنات
سلة المشتريات

لا توجد منتجات في سلة المشتريات.

 
كيف تختار شاشة الكمبيوتر

كيف تختار شاشة الكمبيوتر

    كيف تختار شاشة الكمبيوتر

    كيف تختار شاشة الكمبيوتر, الشاشة تعتبر من أهم القطع في الكمبيوتر فهي بالطبع التى تعرض لك كل شئ ولكن هل أي شاشة تقدر تجيبها تفيد الغرض ولا في أختلاف يخليك تفكر أكتر من مرة قبل ما تشتريها؟
    في البداية الشاشة عُنصر مهم جداً ومن القطع الي لازم تهتم بيها وانت بتجمع الكمبيوتر الخاص بيك واكيد طبعاً لما روحت تسأل أو تشتري لقيت في مواصفات كتير وكلام كبير أوي مش مفهوم وطبعاً الكلام ده يفرق كتير جداً وفضل تسأل نفسك كيف اعرف حجم شاشة الكمبيوتر المكتبي و يعنى ايه نسبة الارتفاع والطول ويعنى ايه دقة العرض ويعنى ايه مُعدل الاستجابة؟
    في المقالة دي هنقدملك دليل شامل لكل شئ يخص الشاشات والي هيخليك تقدر تفهم كل الكلام ده وتقدر تحدد احتياجك أيه بالظبط بدل ما تجيب حاجة أغلي ومش هتستفيد بيها او حاجة رخيصة ومش هتأدي الغرض معاك لأن كتير جداً من الناس بتبص للحجم وأن الشاشة كبيرة بدون ما تعرف أن ده أكبر غلط وأن الشاشة عمرها ما كانت بالحجم الكبير وعلشان كده هنوضحلكم في المقال ده كل شئ بأذن الله.

    دليلك الشامل لشراء الشاشة

    –  “Aspect Ratio” نسبة العرض والأرتفاع.

    طبعاً لكل شئ نسبة وأكيد النسب في الشاشات بتفرق جداً في حجم شاشة العرض زي ماهو موضح في الصورة فمثلاً الشاشات القديمة أو الشاشات المربعة بتكون ابعادها 4:3 ودي كانت منتشرة جداً زمان ومجال الرؤية فيها ضيق جداً حتي كل الالعاب كانت بتنزل بالابعاد دي ومثلاً لو جربت انت تشغل لعبة قديمة جداً علي شاشة حديثة 16:9 هتلاقي في الجنبين في لون أسود وهتكون شغالة بس علي الصورة المربعة الي هي 4:3 والعكس طبعاً والصورة موضحة الفكرة بشكل أدق.

    كيف تختار شاشة الكمبيوتر

    معلومة: معظم الشاشات الموجودة في السوق بتكون بنسبة 16:9 وطبعاً ده يعتبر أفضل مقاس لشاشة الكمبيوتر وفي مقاسات تانية مختلفة وطبعاً بتقدر تختارها علي حسب رغبتك وعلي حسب المكان الي هتكون فيه فلو مثلا بتحب تشتغل علي أكتر من حاجة علي الشاشة فأكيد الشاشات بنسبة 21:9 ultra wide هتكون أفضل بالنسبة ليك بس ده مش معناها أن الـ 16:9 مش هتأدي الغرض معاك بالعكس بس هو بيكون علي حسب راحتك ورغبتك بس مع العلم أن كتير من الفيديوهات مثلاً علي اليوتيوب أو بعض الالعاب مش بتدعم 21:9 وهيكون في حواف سودة من الجنبين وكمان الشاشات دي بتكون دقة العرض فيها عالية جداً فبالتلي لو كنت هتلعب عليها فهتحتاج كارت شاشة قوي وفي النهاية تقدر تحدد أنت هتجيب ايه علي حسب باقي القطع الي موجودة عندك.

    وبكده خلصنا الـ Aspect Ratio وأكيد كده هتقدر تختار شاشة بنسبة عرض مناسبة لأستخدامك وندخل بعد كده علي.

    – “Resolution” دقة العرض.

    كيف تختار شاشة الكمبيوتر

    طبعاً دقة عرض الشاشة هي من أهم مميزاتها و وحدة قياسها هي البيكسل Pixel وهي مربعات صغيرة جداً وكل ما كانت كتيرة كل ما كانت الصورة أنقي و أوضح طبعاً وبالتالي تجربة أفضل بس خلينا نفهم الاول يعنى ايه دقة العرض لو عندنا مثلاً شاشة دقة عرضها 1920x1080p FHD فده معناه ان الشاشة فيها 1080 بيكسل طول و 1920 بيكسل عرض ولو ضربتهم في بعض هيطلعلك عدد البيكسلز كامل في الشاشة والي هيكون اكتر من 2 مليون وللعلم أن كل ما زادت دقة العرض كل ما أحتجت كارت شاشة أقوي خاصتاً لو كنت هتلعب علي الجهاز فخلي النقطة دي في بالك لانها مهمة جداً لانك ممكن تكون جايب شاشة دقة عرضها 2K بس كارت الشاشة ضعيف اخره يشغل اللعبة علي 1080P فبالتالي هتكون رميت فلوسك في الارض ومأخدتش أستفادتك من الشاشة وهتحتاج أنك تجيب كارت شاشة أقوي زي ما وضحنا قبل كده.

    – “Display size” حجم الشاشة.

    كيف تختار شاشة الكمبيوتر

    نيجى لنقطة مهمة جداً والي كتير بيغلطوا ويتسرعوا فيها وهي أحجام شاشة الكمبيوتر وطبعاً دي من الحاجات الي هتأثر علي تجربتك ونتكلم عن حجم الشاشة وايه معناه, طبعاً الشاشة ليها حجم و وحدة قياسها هو الـ Inch او البوصة و بتكون الواحدة منها حوالي 2.5سم و حجم الشاشة بيقاس من الزاوية للزاوية الأخري.

    كتير من الناس بتفكر أن كل ما الشاشة كانت مقاسها اكبر كل ما كانت أحسن وده غلط كبير لأنك لازم تحدد أستخدامك ايه للشاشة او هيكون أيه فطبعاً لو في بيت والشاشة هتكون للتلفزيون وهيكون في مسافة كبيرة بينك وبين الشاشة علشان تحافظ علي عينك فـ حجم 32 بوصة هيكون كويس جداً وطبعاً أحنا بنحدد حجم الشاشة الي هنشتريها علي حسب المسافة الفاصلة بينها وبين استخدامنا فلو هيكون شغلك علي مكتب او هتلعب عليها فـ شاشة كمبيوتر 24 بوصة مع دقة 1080P هيكون أفضل دقة للشاشة الكمبيوتر وكمان أفضل شاشة للمصممين وكل الي بيشتغلوا شغل هندسي وهتأخد أفضل تجربة لشاشتك لكن لو جيبت شاشة كبيرة هتحرك راسك كتير علشان تقدر توصل للي عاوز تشوفه ودي هتكون مشكلة وهتكون شتت نفسك وبالعكس ضريت نفسك بيها علشان كده فكر كويس جداً واحسن المسافة الي هتكون بينك وبين الشاشة وعلي اساس كده أختار هتجيب ايه.

    – “refresh rate” مُعدل التحديث

    كيف تختار شاشة الكمبيوتر

    لو بتسأل نفسك كيف تختار شاشة للالعاب فدي بقي من أهم النقط الي لازم تركز فيها بالذات لو هتشتري شاشة جيمينج علشان تلعب عليها و بتبدأ في الشاشات من 60 لـ 360 في الشاشات الحديثة جداً و خلينا نوضح فكرة الـ refresh rate وأيه فايدته وليه هو مهم جداً كده.

    نبدأ بتعريفه: هو مُعدل وتردد سرعة تحديث الشاشة للاطارات المعروضة عليها في الثانية وطبعاً زي ماهو موضح في الصورة فكل ما مُعدل تحديث الشاشة كان أعلي كل ما كانت سرعة عرضها للصورة سلسة أكتر بدون أي تقطيع و الحاجات دي بتفرق جداً بالذات لو كنت بتلعب أون لاين يعنى لو بتلاعب واحد علي شاشة 60Hz وهو 240Hz وانتوا الاتنين طلعتوا قدام بعض فهو هيشوفك قبل ما انت تشوفه ودي ممكن تتسبب في انه يقتلك الاول لان معدل استجابته اسرع لانه شافك قبل ما انت تشوفه وطبعاً مهما كانت الصورة الي قدامك سريعه فلو الـ refresh rate عالي هيخليك تشوف الصورة بشكل اوضح.

    معلومة مهمة: لو عندك شاشة الـ refresh rate بتاعها 60 واللعبة شغالة معاك علي 90 FPS فأنت مش هتشوف غير 60 لان دي قدرة الشاشة مهما كانت امكانيات جهازك عالية فممكن جداً تكون بتلعب لعبة و الفريمات بتوصل لـ 120 بس شاشتك 60 فمش هتستمتع بالتجربة دي لان شاشتك مش هتعرض غير 60 بس فعلشان كده مهم جداً انك لو هتجيب شاشة تلع عليها لازم متقلش عن 144Hz علشان تقدر تأخد أحسن تجربة للجهاز والشاشة مع بعض لان الاتنين ادائهم مربوط ببعض.

    وفي مواصفات تانية كتير هنشرحها في مقالة تانية بأذن الله بس دول أهم حاجة لازم تعرفها لما تشتري أي شاشة ومتخليش حد يضحك عليك أو يستغلك.

    أرجو أن نكون قد وفقنا بهذا العمل و اتمنى ان تكونوا قد استفدتم منه.

    مع تحيات فريق عمل تريند بى سى | Trend PC

    يمكنك التعرف ايضاً علي دليلك الشامل لشراء الباور سبلاي

    تابعونا علي فيس بوك Trend PC

    المصادر:

    wikipedia

    التصنيفات:
    شارك الخبر: