المقارنات
سلة المشتريات

لا توجد منتجات في سلة المشتريات.

 
أهم النصائح للحفاظ علي اللابتوب لأطول فترة ممكنة

أهم النصائح للحفاظ علي اللابتوب لأطول فترة ممكنة

    أهم النصائح للحفاظ علي اللابتوب لأطول فترة ممكنة

    نصائح للحفاظ علي اللابتوب

    بعد ما حوشت فلوس وجيبت بيها اللاب الي بتحلم بيه سواء كنت هتستخدمه في شغل أو دراسة أو حتي لعب فهنقولك نصائح للحفاظ علي اللابتوب لأطول فترة ممكنة لان أكيد لما بتشتري لابتوب جديد بتبقي خايفي عليه جداً حتى من الهوا وطبيعي جداً في ظل الاسعار الموجودة حالياً انك تكون خايف عليه بس واكيد حاطط امل عليه انه هيفضل موجود وشغال معالك لسنين طويلة بدون مشاكل بس ده مش صح لأن الأجهزة دي حساسة جداً و ممكن بسهولة وبخطأ غير مقصود منك تضيعها خالص فعلشان كده عملنالك المقالة دي الي فيها أهم النصايح الي تقدر تحافظ بيها علي جهازك لأطول فترة ممكن وبدون مشاكل.

    قبل أي شئ طبعاً لازم تكون مختار لاب مناسب جداً ليك من شركة مشهورة وتكون واثق من امكانياته و كمان أهم شئ انه يكون متوافق مع شغلك أو استخدامك ليه و كمان تأخد بالك كويس جداً من خامة تصنيعه و من مواصفاته الداخلية وتتأكد أن المواصفات مناسبة ليك ومش هيكون شغلك حمل أو زيادة عن الامكانيات الي مختارها و بعد ما تتأكد من كل ده يبقي نبدأ بأول نصيحة ونتكلم في الموضع ده بالتفصيل.

    1- أختيار المعالج وكارت الشاشة المناسبين:

    نصائح للحفاظ علي اللابتوب

    طبعاً انت قبل ما تشتري اي لاب بتحدد شغلك سواء كان اعمال مكتبية بسيطة أو كان ترفيه لسماع الافلام والتصفح أو إذا كنت هتدرس عليه و تحدد كمان مجال دراستك ايه و ايه البرامج الي هتحتاجها والامكانيات المناسبة لتشغيلها أو أنك هتجيب اللاب للترفيه وأنك هتستخدمه لتشغيل الالعاب فطبيعي جداً في البداية تحدد استخدامك وبناءً علي كده هتحدد مواصفاتك الي محتاجها بحيث أنك متجيبش مواصفات أعلي من المطلوبة وتبقي دفعت فلوس أكتر علي حاجة مش هتستخدها بكل كفائتها أو أنك تجيب مواصفات أقل من المطلوبة وده هيكون مشكلة كبيرة جداً ليك وهيكون ضغط كبير علي الجهاز وهيسببلك مشاكل كتير جداً بعد كده فدي أهم نقطة لازم نركز عليها لأننا ممكن نتجنب مشاكل كتير بمجرد اننا نختار صح.

    2- مساحة تخزين كبيرة:

    نصائح للحفاظ علي اللابتوب

    في ظل المساحات الضخمة الي بنشوفها حالياً فطبعاً مهم جداً أن اللاب الي هنشتريه يكون بمساحة تخزين كبيرة علشان تقدر تقسم الهارد براحتك وكمان البارتيشن الخاص بالويندوز تكون مساحته كبيرة وميتمليش بسرعة ويسببلك مشاكل في الجهاز بعد كده فلازم يكون من البداية الهارد ديسك مساحته كبيرة علشان تقدر تشيل كل الداتا الشخصية الخاصة بينا لان مع مرور الوقت الداتا بتزيد وطبعاً مش هتقدر تمسح داتا كتير من عندك لانها ممكن تكون مهمة فيفضل أنك تختار هارد ديسك يكون 1 تيرا “1000 جيجا” ويكون البارتيشن الخاص بالويندوز ميقلش عن 100 جيجا مثلاً و الاهم من كل ده هو نوع الهارد وسرعته يفضل يكون لشركة مشهورة وسرعته متقلش عن 7200 RPM و تقدر تشوف المقالة دي موضحين فيها كل شئ بخصوص الهارد ديسك علشان تقدر تختار المناسب ليك علي حسب شغلك كل ما تريد معرفته عن الهارد ديسك.
    ملحوظة: يُفضل شراء هارد ديسك SSD وتركيبه بجانب الهارد الاخر في الجهاز وجعله خاص بالويندوز فقط حتي تحصل علي أفضل أداء للجهاز وجعل الهارد الاخر خاص بكل الداتا الشخصية.

    3- أشتري هارد ديسك خارجي:

    نصائح للحفاظ علي اللابتوب

    أنك تشتري هارد خارجي ده يعتبر حاجة مهمة جداً ليك بالذات لو كنت بتشتغل علي الجهاز او بتدرس عليه وخايف علي كل شغلك انه يحصله أي شئ فبتخليه زي backup احتياطي عليه كل الداتا المهمة الي خايف عليها علشان لو لاقدر الله الهارد الي في الجهاز حصل فيه أي مشكلة أو جهازك دخله فيرس وحذفلك كل الملفات المهمة الخاصة بيك فتفرمت كل الهارد بدون قلق علشان تقضي علي الفيروسات نهائي مع الحفاظ علي كل الداتا المهمة الخاصة بيك بعيد.

    4- الرمات:

    نصائح للحفاظ علي اللابتوب

    ناس كتير جداً بيهتم بالرمات وبيبقي كل همهم أنه يخلوها توصل لأقصي عدد ممكن يتحمله الجهاز لكن ده غلط جداً لأن زي ما وضحنا ان مواصفات الجهاز بتكون علي قد شغلك ومعظم الاجهزة حالياً ان مكنتش هتلعب عليها فرمات 8 جيجا هتكون كافية جداً بالنسبة لأستخدامك لكن لو جهازك بطئ حتي في الشغل العادي والتصفح فـ في الحالة دي تقدر تجيب رامه زيادة وتركبها ويُفضل تكون من نفس الشركة الي في الرمه الي متوصلة في الجهاز ونفس الارقام الي عليها علشان ميحصلش أي مشكلة في الجهاز.

    5- تنظيف الجهاز بأستمرار:

    للحفاظ علي اللابتوب 0 scaled

    طبعاً نظافة الجهاز من أهم الاسباب الي بتساعد علي ادائه وعلي تجنب كتير من المشاكل الي ممكن تظهر لان تكاثر الاتربه علي الجهاز ممكن يعمل تَأكل فيه و كمان هيأثر علي وظايفه انها تشتغل بشكل كويس فلازم جداً تنظف الجهاز وبأدوات بسيطة سواء كان فرشة صغيرة للوصول للاماكن الصعبة أو منديل ويُفضل أنك مترشش أي نوع من المنظفات علي اللاب وبعدين تمسحه لأن طبعاً الالكترونيات عدوها الماية فتخلي المندل فيه نسبة صغيرة من المادة الي هتنضف بيها أياً كان نوعها وتمسحه بهدوء وبالذات الشاشة والكيبورد علشان ميحصلش أي كسر أو خلع فيهم وتجنب أنك تستخدم الجهاز وتحطه علي قماش او قطن أو أي حاجة ممكن تزود درجة حرارته بسرعه أكبر لان بعيداً عن الحرارة هتلاحظ من الوقت ان منافذ التهوية اتسدت بدون ما تاخد بالك وهتلاقي ان اللاب بيسخن جدا وممكن في بعض الحالات تلاقيه قفل لوحده.

    6- تجنب الأكل أو الشرب بنجانب الجهاز:

    نصائح للحفاظ علي اللابتوب

    مهما حصل اياك أنك تأكل أو تشرب جنب الجهاز لان كتير جداً من الفنيين الي بيشتغلوا في الصيانة قالوا أن كتير جدا من المشاكل بتكون أن في حاجة وقعت علي الجهاز سواء كان قهوة او ماية او غيره و تسببت في حرق المازربورد بالكامل واللاب كله أصبح قطعة خردة ليس لها أي استخدام فخصص مكان للابتوب بتاعك بعيد عن الاكل لان الغلطه في الموضوع ده هتكلفك كتير جداً.

    7- قفل الجهاز من زرار الباور:

    نصائح للحفاظ علي اللابتوب-2

     

    من أخطر المشاكل الي ممكن تحصل للابتوب أو الكمبيوتر بصفة عامة هي أن المستخدم يقفله من زرار الباور كنوع من الاستسهال بس دي كارثة كبيرة و بعيداً عن انها بتسبب مشاكل كتير وتلف في ملفات الويندوز ده بتأثر علي كل القطع الي بداخل الجهاز وبالذات البطارية فمهما حصل أياك أنك تقفله بالطريقة دي وإذا كنت بتستخدمه بدون بطارية فخلي الفيشة بعيد عن الاطفال.

    8- استخدام البرامج المناسبة:

    نصائح للحفاظ علي اللابتوب

    في كتير جداً من البرامج بالذات المجانية الي بتمكنك من متابعه حالة جهازك وبذالت درجة حرارته فحاول تستخدم البرامج المناسب ليك أكتر وبلاش تسطب برامج كتير علي الجهاز انت ممكن متستخدمهاش لانك كده بتضر الجهاز فتابع حالة جهازك وحالة كل قطعة وبالذات الهارد ديسك ويُفضل أنك لو في الصيف تستخدم الجهاز في اوضة فيها تكييف لان اللابتوب مهماً كان فنظام التبريد بتاعه مش هيستحمل درجة الحرارة الي موجودة عندنا او حاول تستخدمه لفترات أقل علشان درجة الحرارة العالية بتقلل العمر الافتراضي للقطع الموجودة في الجهاز.

    وبكده نكون أنتهينا من أهم النصائح الي لازم تعمل بيها للحفاظ علي جهازك لأطول فترة ممكنة بدون خوف من حدوث أي مشكلة.

    أرجو أن نكون قد وفقنا بهذا العمل و اتمنى ان تكونوا قد استفدتم منه.

    مع تحيات فريق عمل تريند بى سى | Trend PC

    يمكنك التعرف ايضاً علي الفرق بين الكيبورد العادي والميكانيكى

    تابعونا علي فيس بوك Trend PC

    التصنيفات:
    شارك الخبر: